Ова програма има за цел да обезбеди ефикасна заштита и подобар пристап кон правниот систем за женските маргинализирани групи во Македонија. Програмата за женски права ги опфака следниве области:

-Бесплатна правна помош за сите жени чиишто права се повредени. Правната помош се состои во пружање на советодавни услуги и судско застапување. Оваа програма е наменета за сите жени кои од финансиски или други причини не можат самите да си обезбедат правна заштита. Голем број од жените секојдневно се соочуваат со повреда на основните права и тоа како последица на акти на домашно насилство, полова дискриминација, сексуална злупотреба и трговија со жени.  Нашиот стручен тим успешно работи на  решавање на овие проблеми преку советување, застапување во кривична и граѓанска постапка како ипреку медијација со разни домашни и странски институции.

» Побарај помош

» Kerko ndihme

Во моментов работи канцеларијата за правна помош во Скопје подржана од ОСИ, и канцеларии во Струга и Струмица подржани од Финското министерство за надворешни работи

- Мониторирање на имплементирањето и заштитата  на женските човекови права преку користење на законските механизми за заштита на истите.

- Кампањи за подигање на јавната свест и едукативни активности за постоењето женските права и потребата од нивно почитување и заштита.